Prezidentin Türkmənistan səfərinə şərh

20:05 23-11-2018 | 3439

“Bu gün Azərbaycan-Türkmənistan münasibətləri özünün yeni inkişaf mərhələsinə qədəm qoyub. Ölkələrimiz arasında qədim tarixə, zəngin mədəniyyətə əsaslanan dostluq, qardaşlıq münasibətləri mövcuddur. Prezident İlham Əliyevin Türkmənistana son rəsmi səfəri, keçirdiyi görüşlər, imzalanan sənədlər bir daha bunu nümayiş etdirir”.

Bu fikirləri YAP Siyasi Şurasının üzvü, “İki sahil” qəzetinin baş redaktoru Vüqar Rəhimzadə deyib. V. Rəhimzadə qeyd edib ki, Azərbaycan prezidentinin rəsmi səfəri çərçivəsində imzalanan sənədlər kifayət qədər mühüm əhəmiyyət daşıyır: “Səfər çərçivəsində müxtəlif sahələri əhatə edən 20-dən çox sənəd imzalanıb. Bu sənədlər ölkələrimiz arasındakı gələcək əməkdaşlığı daha da dərinləşdirəcək, yeni imkanlar yaradacaq”.

V. Rəhimzadə əlavə edib ki, ölkə başçısının son rəsmi səfəri ölkələr arasındakı qardaşlıq münasibətlərinin daha da möhkəmlənməsinə şərait yaradacaq, regionda sülh, sabitlik və təhlükəsizliyə mühüm töhfələr verəcək.