Menecment sahəsinin əfsanəsi Doktor İtsxak Adizes Bakıda ilk dəfə çıxış edəcək

15:05 24-10-2019 | 3717

Dünyanın ən nüfuzlu biznes-konsultantlarından biri Doktor İtsxak Adizes Bakıda ilk dəfə çıxış
edəcək!

Volvo, Visa, Bank of America, Coca-Сola, Sberbank, Sibur kimi məşhur şirkətlərin rəhbərlərini
konsultasiya edən Doktor İtsxak Adizesin iştirakı ilə Bakıda “Təşkilatın uğur formulu” adlı biznes
forum keçiriləcək.

Tədbir 08 noyabr tarixində JW Marriott Absheron Baku otelində baş tutacaq.
Biznes forumda bazarda lider mövqenin qazanma sirləri, effektiv menecment sisteminin
qurulması, uğurlu idarəetmə vasitələrinin tətbiqi üzrə innovativ yanaşmalar müzakirə olunacaq.

İtsxak Adizes ilə yanaşı forumda peşəkar idarəçi, Azərbaycanda Adizes İnstitutunun İdarəedici
tərəfdaşı, sahibkarlıq sahəsində 15 illik iş təcrübəsinə malik olan Pavel Belorusski çıxış edəcək.
P.Belorusski biznesin səmərəli və effektiv idarəolunması üzrə şəxsi təcrübəsi ilə bölüşəcək.

Biletlər artıq satışdadır. Biletlərin qiyməti, tədbirin proqramı, iştirak şərtləri və spikerlər barədə
ətraflı məlumatı tədbirin rəsmi səhifəsində, həmçinin (+99450) 290 49 79 nömrəsi vasitəsilə əldə
etmək olar.

Biznes forum “Gilan Holding”, “Pasha Bank” və “Milla” şirkətinin sponsor dəstəyi ilə keçiriləcək.