Hacıqabulda xüsusi karantin rejimi tələblərinin yerində yoxlanılması məqsədi ilə reydlər davam etdirilir

14:09 07-07-2020 | 2701

Azərbaycan Respublikasının Prezidenti cənab İlham Əliyevin tapşırığına əsasən Baş nazir Əli Əsədovun sədrliyi ilə keçirilən Operativ Qərargahın geniş tərkibli Respublika videomüşavirəsində qarşıya qoyulmuş tələb və tapşırıqlara uyğun olaraq iyul ayının 5-də Hacıqabul rayon İcra Hakimiyyətinin başçısı Rüstəm Xəlilov və rayonun hüquq mühafizə orqanlarının rəhbərləri sanitar-epidemioloji qaydalara riayət edilməsini yerində yoxlamaq üçün yenidən bir sıra ticarət və ictimai iaşə obyektlərində reydlər keçirib.

Reyd zamanı obyekt sahibləri ilə maarifləndirici söhbətlər aparılıb, pandemiyaya qarşı mübarizədən irəli gələn tələb və tövsiyələr izah edilib. Sakinlərə Nazirlər Kabineti yanında Operativ Qərargahın qərarlarına qeyd şərtsiz tabeçilik, o cümlədən tibbi maskalardan istifadə və sosial məsafənin qorunması barədə tövsiyələr verilib.

Reyd zamanı işində nöqsan aşkar edilən üç iaşə obyekti sahibinə inzibati protokol tərtib edilmiş və bir ticarət obyekti sahibinə şifahi xəbərdarlıq edilib.

Qoruyucu vasitələrdən istifadə etməyən 2 vətəndaş barəsində inzibati protokol tərtib edilmişdir.