6 nömrəli Uşaq Musiqi Məktəbində tanınmış tarzən, əməkdar artist, Prezident mükafatçısı Sahib Paşazadə tərəfindən ustad dərsi keçirilib

17:52 27-10-2022 | 1444

Oktyabrın 26-da Bakı Şəhər Mədəniyyət Baş İdarəsinin təşkilatçılığı ilə Ə. Bakıxanov adına 6 nömrəli Uşaq Musiqi Məktəbində tanınmış tarzən, əməkdar artist, Prezident mükafatçısı Sahib Paşazadə tərəfindən ustad dərsi keçirilib.

Ustad dərsi konsertmeysterlər Mehriban Həmidova və Şahin Yəhyazadənin müşayiəti altında tar ixtisası üzrə V sinif şagirdi Səid Quliyev ( müəllim Sənan Rüstəmov) və II sinif şagirdi Cəlal Orucov ( müəllim Kamal Nuriyev) ilə aparılıb. Dərs zamanı Bakının müxtəlif uşaq musiqi məktəblərindən iştirak edən şagirdlərə tar ixtisası üzrə bir sıra mühüm məqamlar vurğulanıb, tövsiyyələr verilib, həmçinin Sahib Paşazadənin ifası dinlənilib.

Sonda məktəbin direktoru Sevda Rəhimova çıxış edərək tədbir iştirakçılarına öz təşəkkürünü bildirib, bu cür dərslərin uşaq musiqi məktəblərinin şağirdləri üçün mahiyyətini və vacibliyini vurğulayaraq, davamlı şəkildə təşkil olunacağını qeyd edib.