Premyer Liqa: "Qarabağ" bu gün çempionluğu təmin edə bilər
Bu gün Azərbaycan Premyer Liqasında XXXIV turun daha iki oyunu keçiriləcək.
Matçlardan biri bölgədə, digəri isə paytaxtda baş tutacaq.
Günün ilk qarşılaşmasında "Qəbələ" doğma meydanda "Turan Tovuz"u qəbul edəcək. Hazırda "qırmızı-qaralar" 48 xalla 4-cü, Tovuz klubu isə 35 xalla 6-cı pillədə qərarlaşıb.
İki komanda bunadək ölkə çempionatında 3 dəfə üz-üzə gəlib. İlk matçda "Qəbələ" qələbə qazanıb. Son iki görüş isə heç-heçə ilə yekunlaşıb. Topların nisbətində də Elmar Baxşıyevin başçılıq etdiyi komanda üstündür - 3:1.
Günün son oyununda "Qarabağ" "ASCO Arena"da "Səbail"in qonağı olacaq. Hazırda 84 turnir cədvəlinə başçılıq edən Ağdam klubu qalib gələcəyi təqdirdə çempionluğu vaxtından əvvəl təmin edəcək. Elitada qalmaq uğrunda mübarizə aparan "dənizçilər" isə 25 xalla 9-cu sırada yer alıb.
Komandaların indiyədək çempionatda baş tutan 22 görüşündə "köhlən atlar" 18 dəfə qələbə sevinci yaşayıb. Bakı klubunda bu göstərici cəmi ikidir. Eyni sayda qarşılaşmada isə qalib müəyyənləşməyib. Topların nisbəti də son Azərbaycan çempionunun xeyrinədir - 47:8.
"Qarabağ" son 5 oyunda qələbə qazanıb. Son 7 matçda qalib komanda ən azı 3 qol vurub.
Azərbaycan Premyer Liqası
XXXIV tur
13 may (şənbə)
18:00. "Qəbələ" - "Turan Tovuz"
Hakimlər: Nicat İsmayıllı, Pərvin Talıbov, Şirmamed Mamedov, Rəvan Həmzəzadə
Hakim-inspektor: Orxan Məmmədov
AFFA nümayəndəsi: Aslan Şahgəldiyev
Qəbələ şəhər stadionu.
20:30. "Səbail" - "Qarabağ"
Hakimlər: Kamal Umudlu, Akif Əmirəli, Eyyub İbrahimov, Kamranbəy Rəhimov
Hakim-inspektor: Anar Salmanov
AFFA nümayəndəsi: İlham Əliyev
"ASCO Arena".
Qeyd edək ki, XXXIV turun açılış oyununda "Zirə" evdə "Kəpəz"lə 1:1 hesablı heç-heçəyə razılaşıb. Turun "Neftçi" - "Şamaxı" matçı mayın 14-də, "Sumqayıt" - "Sabah" qarşılaşması isə mayın 17-də keçiriləcək.
-
Bakı Marafonunun qalibləri müəyyənləşdi - Foto
...
-
"Prezident Kuboku 2024"ün bağlanış mərasimi keçirilib
...
-
Azərbaycan “Prezident Kuboku 2024” beynəlxalq reqatasını doqquz medalla başa vurub - FOTOLAR
...
-
Fərid Qayıbov: "Əminəm ki, növbəti Olimpiya Oyunlarına lisenziya qazanan avarçəkənlərimizin sayı daha çox olacaq"
...
-
“Prezident Kuboku 2024”: ikinci gündə üç medal - FOTOLAR
...
-
"Prezident Kuboku-2024" beynəlxalq reqatasında ikinci günə start verildi
...
-
Azərbaycanın minifutbol millisi beynəlxalq turnirin qalibi oldu
...
-
"Prezident Kuboku 2024" beynəlxalq reqatasında ilk günün qalibləri mükafatlandırılıb
...
-
AMADA təmiz idman təbliğatını Suqovuşanda davam etdirir
...
-
Dünya Kuboku növbəti dəfə Bakıda!
...