İsveçrənin Lozanna şəhərində Ümumdünya Antidopinq Agentliyinin (WADA) 2024-cü il üçün illik simpoziumu keçirilib
Martın 12-13-də İsveçrənin Lozanna şəhərində Ümumdünya Antidopinq Agentliyinin (WADA) 2024-cü il üçün illik simpoziumu keçirilib.
Qlobal antidopinq səylərini inkişaf etdirmək məqsədi daşıyan mötəbər tədbirdə ölkəmizi Azərbaycan Millli Antidopinq Agentliyinin (AMADA) icraçı direktoru Təhminə Tağı-zadənin rəhbərlik etdiyi nümayəndə heyəti təmsil edib.
Tədbirin birinci günündə WADA-nın prezidenti Vitold Banka və baş direktoru Olivye Niqqlinin açılış nitqlərindən sonra plenar sessiyalara start verilib. Avropa Komissiyasının tərəfdaşlığı ilə keçirilən sessiyalar Avropada məlumatların toplanması və təhqiqat bacarıqları, habelə antidopinq ictimaiyyətində müqayisə meyarlarını əhatə edib. Paralel sessiyalar qan dopinqi tendensiyaları, mübahisəli məhkəmə simulyasiyası mövzularının müzakirələrinə həsr olunub. Həmçinin ekspertlər sual-cavab sessiyalarına da qatılıblar.
Simpoziumun ikinci günü WADA-nın beynəlxalq təşkilatlarla tərəfdaşlığı, Avropa İttifaqının Məlumatlar toplanması və Təhqiqatlar layihəsinin əməliyyat təsirləri və təhsil siyasətləri üzrə mövzuları əhatə edən plenar iclaslarla davam edib. Tədbirdə, həmçinin Ümumdünya Antidopinq Məcəlləsinin milli qanunvericilik əsasında tətbiqi və quru qan nümunələrinin yoxlanılması kimi məsələlər də müzakirə mövzusu olub.
Bundan əlavə, sessiyalarda milli antidopinq təşkilatları və beynəlxalq federasiyalar arasındakı əməkdaşlıq, insan hüquqları və antidopinq, həmçinin antidopinq tədqiqatlarının gələcəyi və süni intellektin rolu müzakirə edilib.
Simpozium qlobal miqyasda dopinqsiz idmanı qorumaq üçün kollektiv səyləri vurğulayan əsas çıxışların xülasəsi ilə yekunlaşıb. Tədbir maraqlı tərəflər üçün fikir mübadiləsi aparmaq, problemləri həll etmək və idmanda dopinqə qarşı davam edən mübarizədə irəliləyişə nail olmaq üçün platforma rolunu oynayıb.
-
Bakı Marafonunun qalibləri müəyyənləşdi - Foto
...
-
"Prezident Kuboku 2024"ün bağlanış mərasimi keçirilib
...
-
Azərbaycan “Prezident Kuboku 2024” beynəlxalq reqatasını doqquz medalla başa vurub - FOTOLAR
...
-
Fərid Qayıbov: "Əminəm ki, növbəti Olimpiya Oyunlarına lisenziya qazanan avarçəkənlərimizin sayı daha çox olacaq"
...
-
“Prezident Kuboku 2024”: ikinci gündə üç medal - FOTOLAR
...
-
"Prezident Kuboku-2024" beynəlxalq reqatasında ikinci günə start verildi
...
-
Azərbaycanın minifutbol millisi beynəlxalq turnirin qalibi oldu
...
-
"Prezident Kuboku 2024" beynəlxalq reqatasında ilk günün qalibləri mükafatlandırılıb
...
-
AMADA təmiz idman təbliğatını Suqovuşanda davam etdirir
...
-
Dünya Kuboku növbəti dəfə Bakıda!
...