Siyavuş Novruzov: Heç olmasa, oturduğunuz stula hörmət edin
Millət vəkili Siyavuş Novruzov bəzi deputat həmkarlarını sərt tənqid edib.
Oxu.Az “Qafqazinfo”-ya istinadən xəbər verir ki, millət vəkili qeyd edib ki, mətbuatda bəzi həmkarları deyirlər ki, Milli Məclis işləmir:
“İşləmirsənsə, niyə buradan əməkhaqqı, mükafat alırsan?! Bizim payız sessiyasında nə qədər qanunlar qəbul olunub. Biz indi neyniyək? Divar hörməliyik? Başqası deyir ki, komanda dəyişməlidir. Komandanın sahibi var. Bu cənab prezidentin komandasıdır. Bu komanda nə qədər işlər görüb. Bunların birinin funksiyasını yerinə yetirə bilərsənmi? İki gün mətbuatda qalmaq üçün belə edirsiniz. Türkiyəyə baxıb coşursunuz.
Biz prezident respublikasıyıq. İcra funksiyasını icra qurumları yerinə yetirir. Yetirməyən isə dərhal həbs edilir. Hər bir insan çıxış edəndə oturduğu stula, heç olmasa, hörmət etsin. Vaxt var idi ki, burada 4 adam bir otaqda otururdu. 8 adama bir telefon düşürdü. Otur işlə. Qanun hazırla və cəmiyyətə təqdim elə. “Biz qabaqcadan demişdik, iki il bundan əvvəl demişdik” deyirsiniz. Nə demişdiniz?! Hamımız burada idik. Hesab edirəm ki, bundan sonra belə məsələlərə yol verməyə ehtiyac yoxdur”.
Bundan əlavə, deputat siyasi partiyaları hesabat verməyə çağırıb:
“Hesabat vermirlər, kifayət qədər cangündənləri, işçiləri var. Təbii ki, onlar hava ilə dolanmırlar”.
E.Ə.
-
Azərbaycandakı əlverişli mühit iqtisadi əlaqələrin genişləndirilməsinə təkan verir
...
-
İkitərəfli münasibətlər genişlənir
...
-
Əməkdaşlığın əlamətdar istiqamətləri
...
-
Azərbaycan-Slovakiya əlaqələri tarixində əlamətdar hadisə
...
-
Slovakiya-Azərbaycan əlaqələrində yeni səhifə açılır
...
-
Azərbaycanda Qələbə Günü qeyd olunur
...
-
Abşeronda Heydər Əliyevlə bağlı tədbir keçirildi - Fotolar
...
-
Tələbələr arasında keçirilmiş müsabiqə-festivalın yekun konserti olub
...
-
Qələbə Gününün havası
...
-
AHİK tərəfindən 2023-cü ilin ən yaxşı müəssisələri mükafatlandırılıb
...